Il confundatur da la Partida svizra dals automobilists, Michael Ernst Dreher, è mort cun 79 onns. Quai ha confermà in collavuratur da sia interpresa a l’agentura da novitads Keystone-SDA.
Il 1985 ha il Turitgais fundà la partida da la dretga ch’è tranter auter s’engaschada cunter reducziuns da tempo ed autras prescripziuns da traffic. Pli tard è la Partida svizra dals automobilists sa numnada Partida svizra da la libertad. Michael Ernst Dreher è sesì dal 1987 fin il 1999 per la partida en il Cussegl naziunal.