Il recurs n'ha betg purtà in chasti pli flaivel. La dretgira suprema da Turitg ha sentenzià l'anteriur imam da la moschea An'Nur da Winterthur a 18 mais praschun cundiziunà. Plinavant sto l'um da 26 onns bandunar la Svizra per 10 onns. Cun quai ha la dretgira confermà la sentenzia da la dretgira districtuala da Winterthur.
L'october 2016 aveva l'ex-imam clamà si a violenza cunter muslims che na fan betg uraziun en cuminanza. Era quels che na fan betg uraziun tschintg giadas a di duain vegnir chastiads.
L'um da 26 onns è gia en arrest da repatriament. La sentenzia po anc vegnir tratga vinavant a la dretgira federala.
RR novitads 12:00