Siglir tar il cuntegn

Header

Helmut Hubacher.
Legenda: L'anteriur president da la Partida socialdemocratica svizra, Helmut Hubacher, è mort en la vegliadetgna da 94 onns. Keystone
cuntegn

Anteriur president da la PS Helmut Hubacher è mort

L'anteriur president da la Partida socialdemocratica svizra, Helmut Hubacher, è mort a Pruntrut (Giura) en la vegliadetgna da 94 onns – quai suenter curta e greva malsogna.

Cun Helmut Hubacher perda la Partida socialdemocratica svizra ina da sias figuras marcantas che ha influenzà la partida sur decennis. Il 1963 è Hubacher vegnì elegì per il chantun Basilea-Citad en il Cussegl naziunal. 34 onns è el stà cusseglier naziunal, e 15 onns era president da la Partida socialdemocratica. Ad el èsi gartegià d'avrir la partida per novas dumondas, uschia per exempel per la protecziun d'ambient.

Per blera attenziun ha er procurà sia critica envers la politica militara. Uschia ha el crititgà fermamain diversas fatschentas d'armament, sco per exempel quella per il «Panzer 68», il «Leopard II» ubain il sistem da radar Florida. Davart la politica militara ha el scrit ils cudeschs «Schwarzbuch EMD» ed «Aktenzeichen EMD»

Helmut Hubacher è stà funcziunari da las Viafiers federalas, secretari da sindicat, schurnalist, autur da cudeschs e publicist. La fin da zercladur da quest onn èn cumparidas en la Basler Zeitung ed il Blick sias ultimas columnas. Pliras tschients giadas ha el cumpartì cun sias columnas ses patratgs engaschads tar la politica quotidiana cun ils lecturs.

Ord l'archiv:

video
Helmut Hubacher vegn 90
Or da Tagesschau dals 15.04.2016.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga