Siglir tar il cuntegn
cuntegn

Svizra Anteriurs schefs da la KPT ston ir en praschun

Dus anteriurs schefs da la cassa da malsauns KPT èn vegnids sentenziads da la dretgira penala economica dal chantun Berna a 3 onns praschun, communitgeschan agenturas da novitads.

Bajetg da la KPT
Legenda: Ils anteriurs managers da la KPT han be guardà per lur bainesser. Keystone

L’anteriur president dal cussegl d’administraziun Walter Bosch e ses vice Bernhard Liechti èn vegnids sentenziads pervi da gestiun nuncorrecta. Els hajan mess l’agen bainesser sur quel da la cassa da malsauns, ha argumentà la derschadra Barbara Lips.

Sis mais ston ils umens uss ir en praschun, ils ulteriurs 30 mais vala arrest cundiziunà. L’ultim pled en il chapitel n’è dentant anc betg discurrì. Ils defensurs dals accusads han anc annunzià en la sala da dretgira appellaziun cunter la sentenzia da prima instanza.

RR novitads 18:00