Anti-Antifa a Berna: Polizia evitescha demo sanestra

En la citad da Berna hai dà ina mobilisaziun gronda da la polizia venderdi saira. Ella ha impedì ina demonstraziun dad autonoms da la sanestra.

In polizist cun l'edifizi. Bild in Lightbox öffnen.

Legenda da maletgs: In polizist controllescha la situaziun tar il Zytglogge a Berna. Keystone

La demonstraziun n’era betg lubida. La polizia ha controllà pliras persunas. Acziuns pli gronds n'haja tenor l'agentura da novitads svizra SDA betg dà. Sin la plazza Bubenberg era sa radunada ina gruppa canerusa da plirs tozzels persunas, che vuleva ir ensemen vers la Reitschule. La polizia ha dentant bloccà las vias sin la ruta da la gruppa.

Ils autonoms da la sanestra avevan fatg reclama per la demonstraziun en l’internet e cun placats. Il directur da segirezza da la citad aveva gia ordavant fatg cler da betg tolerar questa demonstraziun betg lubida.

Sin il di exact avant diesch onns avevi dà cravals a Berna. Quai a l’ur d’ina occurrenza electorala dal cusseglier federal da lez temp, Christoph Blocher.

RR novitads 06:00