Surtut en tschertgels critics envers il coronavirus sajan quellas teorias derasadas – en spezial sin il servetsch da messadis «telegram». Il rapport vegn perquai a la conclusiun che la prevenziun e la persecuziun penala stoppian vegnir meglieradas ed en pli stoppia la plattafurma surpigliar responsabladad.
In dals pli gravants cas è capità en Grischun
En l' internet hai dà l'onn passà en total bunamain 500 cas dad antisemitissem. Ordaifer da l'internet hai dà en Svizra tudestga 47 cas antisemitics, tranter quels 11 insultas, 15 tartagnims ed in donn material.
En il Grischun haja dà 4 cas antisemitics durant il 2020, rapporta la gasetta Südostschweiz. Tranter auter er in dals pli gravants, nua ch'in auto d'ina famiglia gidieua è vegnì donnegià. En la carrossaria da l'auto sajan vegnidas engravadas parolas antisemiticas. In auter cas grischun haja pertutgà ina guida da viadi che saja s'exprimida a moda depreziativa sur da gidieus sco osps.
