Siglir tar il cuntegn

Svizra Anton Affentranger banduna Implenia

Tar il concern da construcziun Implenia datti ina midada da directur. Tenor atgna communicaziun sa retira Anton Affentranger. Ses successur daventa André Wyss.

purtret da Anton Affentranger, schef da Implenia
Legenda: El surlascha ses post ad André Wyss, Anton Affentranger è stà dapi il 2011 schef da Implenia. Keystone

La midada al timun n'è dentant nagina surpraisa. Gia il 2016 ha Affentranger annunzià da demissiunar en radund dus onns, uschia communitgescha il concern da construcziun. Anton Affentranger è ina figura clav tar la fundaziun e l'erecziun dad Implenia. Dal 2006 fin il 2011 ès el stà president dal cussegl d'administraziun, dapi il 2011 schef dal concern. Durant ses temp ha Implenia augmentà sia svieuta da dus sin quatter milliardas francs.

Da Novartis tar Implenia

Il nov schef da concern, André Wyss, cumenza ses nov post l'october. El haja gronda experientscha en la direcziun, scriva Implenia. Il Svizzer da 51 onns è stà actualmain manader da l'entira producziun tar Novartis. Vitiers è Wyss era president da Novartis Svizra.

RR novitads 08:00