La Svizra survegn ina nova apoteca online. Il concern da sanadad bernais Galenica e l'apoteca Shop Europe dastgan lavurar ensemen. Las cumissiuns da concurrenza da la Svizra e da l'Austria han approvà il pass.
Collavuraziun cun partenari europeic
La transacziun vegnia fatga en tschintg dis, ha ditg in pledader da Galenica envers l'agentura da novitads Keystone-SDA. Uschia datti ina concurrenza a l'apoteca online da la Migros che surpiglia la fatschenta svizra da l'apoteca Zur Rose. Questa surpigliada aveva la cumissiun da concurrenza approvà avant duas emnas.
Shop Europe è tenor atgnas indicaziuns il manader sin la fiera europeica, tge che pertutga la furniziun da medicaments che dumondan in recept dal medi u la media.
audio
Per tadlar: las novitads da las 08:00
ord RTR Audio dals 12.05.2023.
laschar ir. Durada: 5 minutas 39 Secundas.
