Producents d'apparats electronics duain respectar novas reglas da l'Uffizi federal da communicaziun (BAKOM) davent da l'avust 2024. L'intent da questas reglas è da proteger meglier la sfera privata da tut ils utilisaders dad apparats che pon vegnir colliads cun l'internet. Quai pon esser telefonins, smartwatches u trackers da fitness.
Sch'in smartphone u in sumegliant apparat po vegnir duvrà per pajaments electronics, lura duai el avair funcziuns che diminueschan il ristg per engion – sco per exempel ina meglra controlla d'autentificaziun. Ultra da quai stoi esser exclus che apparats pon donnegiar raits da communicaziun u disturbar il manaschi da paginas d'internet u auters servetschs. Els stoppian perquai avair funcziuns che excludian tals ristgs, scriva il Bakom.
Cun introducir las novas reglas suonda la Svizra a las prescripziuns en l'Uniun europeica. Tenor il Bakom lavuran ils gremis da normaziun da l'UE actualmain vi da normas armonisadas che duain star a disposiziun a l'industria europeica e svizra il pli tard la fin da settember 2023.