En l'Appenzell Dadens a il cusseglier dals chantuns, Daniel Fässler cuntanschì la reelecziun. Il cumin ad Appenzell a reelegì bunamain unanimamain il politicher da l'Allianza dal Center da 62 onns. Daniel Fässler è stà il sulet candidat uffizial. Sia reelecziun n'è pia nagina surpraisa.
Plinavant an ils votants e las votantas d'Appenzell Dadens era reelegì la Regenza chantunala, che dumbra set commembers. Landamma – il chau da la Regenza – è da nov Roland Inauen.