En l’emissiun «Arena» da SRF ha il minister da sanadad, Alain Berset, appellà da far regularmain tests da corona en las scolas. La recumandaziun dal Cussegl federal saja clera. Dentant saja chaussa dals chantuns da realisar quella, damai ch’els sajan responsabels per las scolas. Sch'il virus circuleschia pli pauc, valia quai era per uffants da sut 12 onns che na pon per il mument betg sa laschar vaccinar.
Ils chantuns hajan dentant er sentì che la situaziun saja pli seriusa ch'anc spetgà avant intginas emnas u mais. «L'atun sto puspè vegnir fatg dapli», ha accentuà Berset. «La Confederaziun paja gea tut. Igl è be ina dumonda da l'organisaziun a las scolas.» Las reglas per testar en differentas da chantun tar chantun. Per il mument na vegnian ils tests betg realisads daperut.
En la «Arena» ha Berset respundì venderdi saira a las dumondas da 12 giasts che han tschentà dumondas criticas.