Siglir tar il cuntegn
Inhalt

Svizra Argovia: Polizia ha pudì impedir cugliunaria

En il chantun Argovia ha la polizia pudì impedir en l'ultim mument in'emprova da cugliunar. Ina dunna pli veglia aveva gia autorisà in pajament sur e-banking da passa 100'000 francs. La polizia ha dentant pudì franar la transacziun.

Polizia chantunala da l'Argovia.
Legenda: La polizia avertescha ina giada dapli da questas emprovas da cugliunaria al telefon (maletg da simbol). Keystone

Sco quai che la polizia communitgescha, haja dà en l'Argovia sulet il venderdi 20 annunzias da cugliunaders al telefon che sajan sa dads ora sco policists. Il proceder saja adina il medem. Oravant tut persunas pli passadas survegnan in telefon d'ina persuna che discurra tudestg da scrittira che sa dad ora sco policist. Cun l'avis che criminals vulan cugliunar, intimescha ils fauss policist da retrair ils daners e da dar ils raps ad el.

Polizia avertescha

La polizia avertescha ina giada dapli da questas emprovas da cugliunaria al telefon. Ella cusseglia da betg sa fidar sch'insatgi vul intimar al telefon da consegnar daners u objects da valurs. La «vaira» polizia na fetschia mai tals telefons.

RR novitads 14:00