Siglir tar il cuntegn

Header

Purtret da Urs Hofmann.
Legenda: Urs Hofmann ha fatg las pli bleras vusch en l'Argovia. Keystone
cuntegn

Svizra Argovia: Urs Hofmann fa las pli bleras vuschs

Ils trais candidats da fin qua Alex Hürzeler da la PPS, Urs Hofmann da la PS e Stephan Attinger da la PLD. Er Markus Dieth da la PCD han cuntanschì ina maioritad absoluta.

Il directur da giustia Urs Hofmann ha cun 94'407 vuschs cuntanschì il meglier resultat. El è gia dapi il 2009 en uffizi. Sin il segund plaz suonda Stephan Attiger cun 88'788 vuschs. Era il directur da furmaziun Alex Hürzeler è elegì cun 82'703 vuschs.
Uschia han tuts trais candidats da la regenza in bun tant dapli vuschs ch'il pli absolut da 56'687 vuschs. Era in pli absolut ha il cusseglier grond Markus Dieth cuntanschì cun 61'890 vuschs.

La PPS e la PS vulan in segund sez

Tut ils auters candidats n'han betg cuntanschì il pli absolut. Il tschintgavel plaz en la regenza è anc vacant. Ils 27. da november datti anc in segund scruttini per il davos sez da la regenza.

La derschadra dal district Franziska Roth (PPS) ha survegnì 47'791 vuschs. La PPS vul cun ella survegnir l'emprima giada in segund sez en la regenza chantunala. La medema finamira ha era la PS cun Cussegliera naziunala Yvonne Feri, che ha survegnì 47'320 vuschs e schai uschia cun 471 vuschs davos la candidata da la PS. La PS è stada represchentada avant 31 onns l'ultima giada cun dus sez.

Ils verds perdan in sez

Nagina schanza han ils verds gì tar las elecziuns. Els han vulì defender il sez da Susanne Hochuli ch'è sa retratga. Lur candidat Robert Obrist è dentant stà fitg anavos cun be 32'946 vuschs.

RR novitads 14:00

Dapli da Svizraavrir la Landingpage

Nach links scrollen Nach rechts scrollen