L'armada svizra ha adina dapli difficultads da chattar persunas per la funcziun dal cuschinier u la cuschiniera da truppas. Quai malgrà che la prestaziun saja decisiva per la morala da las truppas, hai num sin la pagina d'internet da l'armada.
Per la scola da recruts, che cumenza damaun, ha l'armada ussa per part engaschà interpresas da catering externas, ha ditg il pledader da l'armada envers la «NZZ am Sonntag.»
L'armada declera la mancanza tranter auter cun il fatg ch'il dumber dals emprendists e las emprendistas en il sectur da cuschina, mazlarias e pasternarias giaja enavos. Sco l'armada scriva mancan per il mument radund 70 enfin 150 cuschiniers e cuschinieras da truppa. Pia rodund in terz en la nova generaziun.