Siglir tar il cuntegn

Header

cuntegn

Armada L'armada svizra ha adattà concept da protecziun

L’armada svizra ha adattà ses concept da protecziun. Quai suenter ch’il Cussegl federal ha schluccà las mesiras da corona la mesemna passada. Sco ella ha communitgà, ha l’armada tranter auter stritgà il scumond da congedi e l’obligatori da certificat. Plinavant vegnia la sortida per ils militars puspè introducida pass per pass.

L’obligatori da purtar ina mascrina FFP2 percunter ed era ils tests regulars restan. Las adattaziuns da l'armada valan a partir dad immediat.

Terminà servetsch da sustegn

Quest'emna ha l'armada communitgà, ch'il davos servetsch da sustegn per il sectur da sanadad saja a fin ils 19 da favrer. Nagin chantun haja dumandà per sustegn pli. Dapi december 2021, cura che las cifras da cas s'augmentavan a moda rapida, ha l'armada ademplì 25 dumondas da sustegn. Fin 570 schuldads e schuldadas eran en acziun il medem temp ed els han prestà bunamain 21'000 dis da servetsch. L'armada ha sustegnì plirs chantuns cun la campagna da vaccinar ed en la tgira da basa e tgira intensiva en ospitals.

 Ord l'archiv

video
Ivano Simonet – in recrut en homeoffice
Or da Telesguard dals 20.01.2021.
laschar ir. Durada: 2 minutas 52 Secundas.

 

RTR novitads 16:00

Artitgels legids il pli savens

Scrollar a sanestra Scrollar a dretga