Svizra - Armada probabel er ils proxims 3 onns al WEF
L'armada svizra duai era procurar ils proxims trais onns per la segirtad dal Forum mundial d'economia "WEF" a Tavau: Il cussegl chantunal ha approvà unanimamain in sboz dal cussegl federal.
Il sboz prevesa che fin 5000 schuldads sustegnian las autoritads grischunas durant il WEF, quai cunzunt cun proteger persunas, bajetgs ed il spazi aviatic.
L'engaschament è limità sin totalmain indesch dis. Ils custs previs muntan a mintgamai 28 milliuns francs per onn. Quai è circa tuttina bler sco ils ultims onns.
Uss sto anc il cussegl naziunal decider en chaussa.
