Armada sa prepara per sustegnair guardia da cunfin

La Confederaziun quinta che dapli fugitivs arrivan en Svizra la primavaira. Perquai sa metta l'armada en posiziun per sustegnair ils corps da la guardia da cunfin. En consequenza saja il curs da repetiziun da 5’000 schuldads, cunzunt da policists militars, vegnir spustà.

Schuldads stattan en retscha. Bild in Lightbox öffnen.

Legenda da maletgs: Cun la spustada vul l’armada segirar durant l’entir onn il dumber da schuldads per servetschs subsidiars. Keystone

Il Departament federal per la defensiun ha confermà in rapport da la gasetta «Blick» dals 26 da favrer. Per tschintg battagliuns è il curs da repetiziun vegnì spustà. In battagliun vegnia a far ses curs durant las vacanzas da stad, dus mais pli tard che planisà, uschia in exempel dal departament. In auter curs vegnia spustà be per duas emnas.

2’000 schuldads en 2 dis

En cas che las guardias da cunfin fissan surdumandadas pervi d’ina fulla da fugitivs, pudess l'armada metter a disposiziun radund 2’000 schuldads aifer 48 uras. Quai aveva il schef da l’armada André Blattmann ditg envers il «Blick».

Sco emprim stoppian policists militars sustegnair ils guardians da cunfin. Sche na quai tanschia betg, lura vegnian militars en servetsch lung clamads. Pir suenter vegnissan ils schuldads dals curs da repetiziun a vegnir en acziun.

RR novitads 15:00