Er per dumondas da la cumpensaziun dal gudogn duai il computer remplazzar il palpiri. A partir dal 2026 duain persunas che prestan servetsch tar l'armada, il servetsch civil, la protecziun civila sco er tar «Giuventetgna e sport» pudair pretender lur cumpensaziun dal gudogn a moda digitala. Ils formulars sin palpiri duain svanir definitiv. Quai simplifitgeschia la lavur a tut ils pertutgads e gidia a spargnar custs. Il cussegl federal ha deliberà venderdi las midadas da lescha necessarias.
audio
Per tadlar: als novitads da las 12:00
ord RTR Audio dals 15.09.2023.
laschar ir. Durada: 5 minutas 1 Secunda.