Siglir tar il cuntegn

Header

cuntegn

Armada svizra 2'000 recruts memia pauc

Anc mai han uschè paucas persunas absolvì la scola da recruts sco l'onn passà. Per pudair mantegnair a lunga vista l'armada dovria mintg'onn radund 2'000 recruts dapli.

Cun 16'300 schuldadas e schuldads è il dumber da recruts sa sbassà l'onn passà sin in nov nivel bass, communitgescha il departament da defensiun. Per pudair mantegnair l'armada dovri dentant mintg'onn radund 18'000 recrutas e recruts.

Servetsch civil e cas medicinals

Ina raschun per la digren saja il servetsch civil. In'evaluaziun mussia che bain la mesadad dals schuldads sortian da l'armada avant che avair 26 onns. Il 2018 ha l'armada pers 6'200 schuldads perquai ch'els han pudì midar en il servetsch civil. Vitiers sajan 3'300 schuldads crudads davent per motivs medicinals.

Strategias ston nà

L'armada stoppia uss spertamain sviluppar strategias per recrutar giuvnas svizras e giuvens svizzers. In urari na possia l'armada dentant betg preschentar perquai che tuttas mesiras stoppian vegnir acceptadas da la politica.

RR novitads 17:00