Siglir tar il cuntegn
Jet da cumbat
Legenda: Ils tests da la gievgia saira èn tuts gartegiads. Keystone

Armada svizra Aviatica militara ademplescha finamiras

Per examinar la prontadad da l'aviatica hai dà gievgia saira a Payerne in alarm betg annunzià per ir en l'aria. Ils involvids hajan ademplì tut las finamiras ed ils termins, ha communitgà l'armada.

Il temp, las 20:15, pia suenter il temp da servetsch ordinari, saja vegnì tschernì sapientiv per testar ils process a Payerne. Suenter l'alarm han dus aviuns da cumbat F/A-18 stuì partir aifer 15 minutas. Suenter ch'ils dus jets da cumbat han cuntanschì lur destinaziun han ils pilots gì in trenament da polizia aviatica. Ils resultats vegnan uss evaluads e silsuenter duain ils process, sche necessari, vegnir adattads, uschia l'armada.

Exercizis d'alarm ordaifer ils temps da servetsch ordinaris duain dentant vinavant restar excepziuns. Quels tests dovria dentant, per meglierar l'armada.

RTR Novitads 12:00

Artitgels legids il pli savens