L’Armada svizra duai gidar il Principadi da Liechtenstein en il cumbat cunter la pandemia da corona. Quai en connex cun la cunvegna d'agid tranter ils dus pajais.
16 schuldads da sanitad
Ils schuldads da l'armada duain vegnir en acziun sch'il provediment medicinal dal Liechtenstein vegnia en las stretgas. Concret metta la Svizra a disposiziun 16 schuldads da sanitad per il Principadi. Ils schuldads da sanitad vegnan la proxima emna scolads dus dis per lur eventual servetsch e turnan silsuenter puspè a Frauenfeld.
Fin uss dumbra il pajais 72 infecziuns cun il virus. Era sch’il dumber da cas mussa ina decadenza, stoppian ins quintar cun ina augment dals cas da malsogna. Ins emprovia da far tut il pussaivel per impedir ina surchargia dal sectur da la sanadad.