L'Armada svizra na fa nagins curs da repetiziun pli enfin la fin da l'onn. Excepziuns datti mo sch'ils curs han da sustegnair autoritads civilas en connex cun la pandemia da covid-19 u segirar prestaziuns da basa da l'armada. Plinavant fa l'armada curs da repetiziun per preparar engaschis ch'ins sa che vegnan l'auter onn, sco per exempel il matg che vegn il WEF sin il Bürgenstock.
Actualmain preparia l'Armada svizra ses engaschi en cas che la situaziun da pandemia avess da vegnir mendra. Prioritad haja cunzunt il sustegniment dal sectur da sanadad.
Per ils curs da repetiziun che scrodan na ston ils militars pajar nagina taglia d'exemziun dal servetsch militar. A lur curs da repetiziun vegnan els envidads l'onn che vegn sco planisà als termins regulars.