L'Armada svizra ha chaschunà l'onn passà in zic pli paucs donns ch'anc l'onn avant. Il Center da donns dal Departament federal da defensiun, protecziun da la populaziun e sport ha registrà l'onn 2023 6174 donns. Quai sajan 565 cas pli pauc che l'onn 2022, scriva il Departament federal da defensiun, protecziun da la populaziun e sport. Tenor il departament han ils donns custà 14,92 milliuns francs, 1,93 milliuns dapli che l'onn avant.
Ils custs sa mettan ensemen suandantamain:
- 10,93 milliuns francs: donns vi da vehichels da l'armada e da la Confederaziun
- 1,41 milliuns francs: donns vi da vehichels da terzas persunas
- 2,22 milliuns francs: donns da material e vi da terren
- 360'000 francs: donns da persunas civilas
La Confederaziun cuvra sezza ils donns, ella porta pia sezza ils risicos per donns. Per l'andament d'accidents e donns chaschunads entras l'Armada svizra è responsabel il Center da donns dal Departament federal da defensiun, protecziun da la populaziun e sport.