Rapport da l'EDK
Il 2004 eran ils chantuns vegni perina d’instruir l’emprima lingua estra davent da la terza classa primara e la segunda lingua estra davent da la 5avla classa. Ina da quellas ha dad esser ina lingua naziunala. Dentant vegnia quai a dar differenzas tranter ils chantuns, accentuescha il rapport da l’EDK.
Tgè munta «armonisaziun»?
La scolaziun en Svizra è chaussa dals 26 chantuns. L’onn 2006 aveva il suveran dentant decidì a l’urna d’unifitgar il sistem da scola. Armonisar munta pia unifitgar, numnadamain tschertas valurs che pertutgan la scola, sco per exempel la vegliadetgna d’entrada en scola. Era la durada e las finamiras da stgalims da scola s’audan latiers.
RR novitads 11:00