Siglir tar il cuntegn
Inhalt

Svizra Arrestà figura centrala da la scena da salafists

Per l'emprima gia ha la procura publica federala laschà arrestar in chau da la scena da salafists da Winterthur. Il convertit visitava la moschea An'Nur ed aveva sco i para contact cun dschihadists da Winterthur ch'èn viagiads en la Siria ed en l'Irac.

Ina fotografia cun ina fotografia sfalsifitgada che mussa il salafist arrestà che tegna enta maun in coran
Legenda: Il convertit è il mument en arrest d'inquisiziun a Berna. srf

L'um sa chattia dapi plirs mais en arrest d'inquisiziun ha la Rundschau da SRF chattà or. Davart las rinfatschas cunter l'um na veglia la procura publica betg s'exprimer. Tenor retschertgas da l'emissiun «Rundschau» sa basa il suspect sin il sustegn e la commembranza d'in'organisaziun da terror.
L'um è ina persuna enconuschenta en la scena da salafists a Winterthur. Là visitava el ina moschea che vegn messa en connex cun viadis en il Dschihad.