Ins haja tschiffà il student en flagranti davant ses computer. El saja ussa en l'arrest d'inquisiziun. Quai ha la procura publica generala communitgà. Durant plirs dis era il student sa collià cun la rait da la Scola politecnica federala Turitg, aveva empustà software e chargià giu datas sensiblas.
Grazia a la intervenziun sperta da la polizia e la buna collavuraziun tranter la procura publica, la polizia e l'ETH haja l'um suspectus pudì vegnir arrestà gia 10 dis suenter la denunzia. Mesiras da segirezza per impedir ulteriuras attatgas sin la rait da l'ETH sajan vegnidas instradadas, scriva la Scola politecnica federala.
RR novitads 12:00
