La chombra gronda ha approvà senz'opposiziun ina moziun dal cusseglier naziunal Jon Pult (PS). 34 commembers e commembras da tuttas fracziuns avevan suttascrit la moziun. Plinavant na duai betg pli vegnir differenzià tranter art spoglià ed art da fugia. Er en auters pajais, sco per exempel en Germania, Frantscha, la Gronda Britannia u er l'Austria datti gia talas cumissiuns.
Ils incidents enturn la collecziun Bührle a Turitg han mussà ch'i dovra megliers instruments da controlla.
Er ina nova plattafurma
Plinavant duai dar ina plattafurma per sclerir danunder che bains culturals derivan. Il Cussegl naziunal ha approvà ina moziun ord la cumissiun per scienza, educaziun e cultura. Quai ha communitgà l'agentura da novitads Keystone-SDA. La plattafurma stoppia sa basar sin princips scientifics ed esser accessibla dapertut. Il Cussegl federal stoppia coordinar e sustegnair quella plattafurma cun ils partenaris.
Sco proxim s’occupa il Cussegl dals chantuns dad omaduas fatschentas.