Siglir tar il cuntegn

Header

Maletg da Monet
Legenda: Il maletg «Waterloo Bridge» dal artist franzos Claude Monet – la derivanza dal maletg n'è betg sclerida. Keystone
cuntegn

Art spoglià Cumissiun duai sclerir l'origin da maletgs e sculpturas

En Svizra duai ina cumissiun independenta gidar a chattar soluziuns per bains culturals ch'ils naziunalsocialists han approprià durant la Segunda Guerra mundiala.

video
Jon Pult: «La cumissiun duai chattar soluziuns gistas»
Or da News-Clip dals 11.05.2022.
abspielen. Laufzeit 31 Sekunden.

La chombra gronda ha approvà senz'opposiziun ina moziun dal cusseglier naziunal Jon Pult (PS). 34 commembers e commembras da tuttas fracziuns avevan suttascrit la moziun. Plinavant na duai betg pli vegnir differenzià tranter art spoglià ed art da fugia. Er en auters pajais, sco per exempel en Germania, Frantscha, la Gronda Britannia u er l'Austria datti gia talas cumissiuns.

Ils incidents enturn la collecziun Bührle a Turitg han mussà ch'i dovra megliers instruments da controlla.
Autur: Jon Pult Cusseglier naziunal PS

Er ina nova plattafurma

Plinavant duai dar ina plattafurma per sclerir danunder che bains culturals derivan. Il Cussegl naziunal ha approvà ina moziun ord la cumissiun per scienza, educaziun e cultura. Quai ha communitgà l'agentura da novitads Keystone-SDA. La plattafurma stoppia sa basar sin princips scientifics ed esser accessibla dapertut. Il Cussegl federal stoppia coordinar e sustegnair quella plattafurma cun ils partenaris.

Sco proxim s’occupa il Cussegl dals chantuns dad omaduas fatschentas.

RTR novitads 12:00

Artitgels legids il pli savens

Scrollar a sanestra Scrollar a dretga