L'artist da suga auta svizzer Freddy Nock è mort. Quai ha confermà la Polizia chantunala da l'Argovia. Pertge che Freddy Nock è mort n'è betg encnouschent. Freddy Nock aveva 59 onns e tutgava tar la famiglia dal Circus Nock.
Enconuschent è el vegnì cun sias producziuns sin la suga auta. El ha fatg cun sias represchentaziuns sin la suga auta dapli che 20 records mundials dapi la fin dals onns 1990. Nock, ch’è naschì en il chantun Argovia aveva fatg sias emprimas experientschas sin la suga gia en la vegliadetgna da quatter onns.
Sia emprima inscripziun en il cudesch da Guiness dals records ha el segirà l’onn 1998 cun currer sin la suga purtanta da la pendiculara Signal da San Murezzan sin ina distanza da 734 meters. Suenter èn suandads ulteriurs records mundials, tranter auter il matg 2006 cun currer sin la suga purtanta da la pendiculara Säntis sur ina distanza da passa 1'222 meters.
Or da l'archiv:
