En Svizra han il settember 3'966 persunas dumandà per asil il settember. Quai èn 32% dapli ch'en l'avust. La raschun per l'augment saja la midada da pratica dal secretari d'asil, declera quel. Dunnas da l'Afghanisatan han da nov da bun il status sco fugitivas en Svizra. Uschia han 700 dunnas, ch'èn gia stadas en Svizra, tschentà ina dumonda d'asil.
Cumpareglià cun il settember 2022 èni quai onn 1285 dapli. Las pli bleras dumondas d'asil èn da persunas d'Afghansitan, suandà da la Tirchia, l'Algeria, l'Eritrea ed il Maroc.
Il secretari federal per migraziun ha midà sia pratica, perquai che dunnas en Afghanistan hajan pli paucs dretgs, cunzunt suenter ch'ils Taliban han surpiglià la pussanza en il pajais. Las dumondas da las dunnas vegnan examinads en mintga cas, en general hajan els dentant il dretg sin il status da fugitivas.
Da las dumondas èn 2357 gia regladas. 654 da las persunas han survegnì asil, 633 ha il secretari refusà, e 501 persunas èn vegnidas prendidas si temporarmain. Da las persunas cun asil vegnan mintgamai 30% da l'Afghanistan e 30% da la Tirchia.