Siglir tar il cuntegn

Svizra Assagl da rappinament en fatschenta da vestgadira a Turitg

Ils dus umens armads en entrads en la butia da vestgadira «C&A» a la via da la staziun en la citad da Turitg. Ils delinquents han engulà plirs dieschmilli francs.

Plirs autos er da polizia avant in bajetg a Turitg.
Legenda: La polizia aveva serrà in temp il center da la citad enturn la via da la staziun da Turitg. Keystone

En la citad da Turitg è la polizia stada involvida en in'acziun pli gronda. Dus umens armads han assaglià la fatschenta da vestgadira «C&A» en il center da la citad, quai anc avant che la fatschenta aveva avert las portas. En in biro han ils deliquents smanatschà als emploiads e lià els. Suenter ch'ils emploiads han pudì sa deliberar han els clamà la polizia. Ils dus umens èn fugids cun plirs 10'000 francs. La polizia da la citad da Turitg ha sin quai instradà ina investigaziun a la gronda.

RR novitads 12:00