Intgins commembers dal parlament han mussà lur retegnientscha davart Berset. Il 2018, cura che Berset è vegnì elegì per l'emprima giada sco president da la Confederaziun, ha el anc fatg 190 da 210 vuschs. Ses predecessur Ignazio Cassis ha survegnì 156 da 197 vuschs valaivlas. Avant dus onns ha Guy Parmelin (PPS) survegnì 188 vuschs, ed Ueli Maurer ha da ses temp survegnì 201 vuschs per sia candidatura.
Il potenzial da la Svizra
Suenter sia elecziun ha Berset ditg che la Svizra stat avant grondas sfidas, è dentant preparada bain. La Svizra ha tenor Berset potenzial, ella stoppia dentant serrar las «largias en la gistadad». Potenzial dettia tar l'inegualitad da las schlattainas, inclusiun da persunas cun handicap ed ils interess da la generaziun giuvna.