Assicuranza cunter dischoccupaziun paja enavos 900 milliuns

L'assicuranza cunter la dischoccupaziun ha fatg l'onn passà in surpli.

Ina dunna dat in formular a la birolista ch’è davos il spurtegl.  Bild in Lightbox öffnen.

Legenda da maletgs: Da quai da 137’000 èn registradas en media tar l’assicuranza cunter dischoccupaziun. Keystone

Il quint 2014 serria cun in surpli da 740 milliuns francs annunzia il Secretariat da stadi per l'economia Seco. Quai tar in retgav da 7,24 milliardas francs. Grazia a quest surpli ha l’assicuranza pudì pajar enavos emprests en la valita da 900 milliuns francs a la cassa da la Confederaziun. Cun quai sa reducescha il debit d’emprests sin 3,3 milliardas francs.

L'onn passà ha l'assicuranza cunter la dischoccupaziun pajà ora en tut 4,9 milliardas francs, var 100 milliuns dapli ch'il 2013. En media eran 137’000 persunas registradas tar assicuranza cunter la dischoccupaziun.

RR novitads 10:00