Siglir tar il cuntegn

Header

cuntegn

Svizra Assicuranza cunter donns da terratrembels

La Conferenza da las regenzas chantunalas da militar, protecziun civila e pumpiers lantscha danovamain l’idea d’ina assicuranza obligatorica tar donns da terratrembels. Fin ussa èn mo 10% dals edifizis en Svizra assicurads cunter tals donns.

En Svizra èn il mument sulet 10% dals edifizis segirads cunter donns tras terratrembels. Quai duai uss sa midar, uschia duajan ils chantuns fin la fin da quest onn s’exprimer a moda lianta sur d’ina assicuranza obligatorica per donns tras terratrembels. Sco la gasetta NZZ rapporta vegn l’impuls da la Conferenza da las regenzas chantunalas da militar, protecziun civila e pumpiers. Per inoltrar in obligatori ston uschè blers chantuns sa participar che 85% da tut ils edifizis fissan assicurads.

Emprovas da pli baud d’introducir ina segiranza cunter donns da terratrembel èn adina puspè idas da l’aua giu pervia da l'opposiziun da singuls chantuns. Tenor ina retschertga dal 2016 da la Conferenza da las regenzas chantunalas han 17 dals chantuns signalisà d’approvar ina tala assicuranza.

RR novitads 18:00

Artitgels legids il pli savens