Siglir tar il cuntegn

Header

cuntegn

Assicuranza d'auto Premias per assicuranzas da casco cumplainas èn sa sbassadas

Quai per 4,5%, ed en cumparegliaziun sur trais onns èn ellas sa reducidas per 17%.

Las premias per assicuranzas da casco cumplainas èn sa sbassadas cumpareglià cun l'onn 2020, per 4,5%. Cumpareglià cun ils ultims trais onns èn ellas sa reducidas per 17%. Quai mussa in'analisa dal servetsch da cumparegliaziun, Comparis. Il squitsch da pretsch sin il martgà restia aut. Las marschas sajan attractivas sur tut per purschiders fitg digitalisads.

En media 800 francs

I dettia era nova concurrenza sin il martgà. La Postfinance ha gia il 2019 cumenzà, ussa suonda Wefox. In'assicuranza da casco cumplaina custa en Svizra en media anc 800 francs. Quai è la media da trais categorias: auto pitschen, classa d'amez e classa d'amez auta. La pli gronda reducziun hai dà tar la classa d'amez auta. Là èn las premias schizunt sa reducidas per 19%.

Analisa Comparis

Avrir la box Serrar la box

Comparis ha en sia analisa valità las premias da 13 societads d'assicuranzas. Las datas sa basan sin ina dumonda online sin comparis.ch. Il profil dal manischunz: in um da 30 fin 40 onns, burgais da la Svizra, ch'abita a Turitg e che fa var 12'000 fin 14'000 kilometers ad onn.

audio
Tadlar las novitads da las 09:00
02:22 min, RTR Audio dals 12.08.2021.
laschar ir. Durada: 02:22 minutas.

RTR novitads 08:00

Artitgels legids il pli savens

Scrollar a sanestra Scrollar a dretga