L’Assicuranza d’invaliditad spargna sin custs da l’agid social. Quai scriva la gasetta «SonntagsBlick». Ella sa basa sin cifras da l’Uffizi federal d’assicuranzas socialas. L’onn 2005 hajan radund 252'000 persunas retratg ina renta d’invaliditad. L’onn passà saja quest dumber sa reducì per radund 34'000 sin 218'000 persunas. Il medem temp saja dentant il dumber da persunas cun agid social s’augmentà per radund 41'000. Experts averteschan perquai en la gasetta che persunas che na survegnian nagina IV pli, dovrian baud u tard agid social.
Adina dapli persunas dovran agid social ch'èn oriund vegnì en miseria pervia da la sanadad.
Tenor l’Uffizi federal d’assicuranzas socialas n’èsi dentant betg cumprovà ch’i dettia in connex causal tranter ils dus trends. Dentant lavura l'Uffizi federal d'assicuranzas socialas vid in project da perscrutaziun. Els vulan uschia obtegnair cifras relevantas da l'andament tranter assicuranza d'invaliditad ed agid social.
RR novitads 08:00