Cun la cunvegna vegn la coordinaziun da las assicuranzas socialas tranter la Svizra ed il Cosovo puspè reglada suenter che quella è stada interrutta per plirs onns, communitgescha l’uffizi federal per assicuranzas socialas. Il cuntegn da quella sa drizzia als standarts internaziunals.
Cunvegna era vegnida schliada il 2010
Il Cosovo è il sulet stadi da l’anteriura Jugoslavia cun il qual la Svizra n’aveva fin ussa nagina relaziun da cunvegna en il sectur da las assicuranzas socialas. Il 2010 aveva il Cussegl federal schlià la cunvegna, quai pervia da las investigaziuns encunter persunas ch’han probabel fatg maldiever da las assicuranzas. Als inquisiturs era vegnì smanatschà cun la mort.
Far diever da las rentas pon ils pertutgads pir a partir dal prim da settember. La cunvegna na vala betg retroactiv.
RR novitads 17:00