Siglir tar il cuntegn

Header

cuntegn

Associaziun tgirunzAs AST sustegna la strategia da vaccinaziun da Covid

L'Associaziun svizra da las tgirunzas e dals tgirunzs AST sustegna explicit la strategia da vaccinaziun da Covid da l'Uffizi federal da sanadad. Ella cusseglia a tut las tgirunzas e tgirunzs che pon far quai, da sa laschar vaccinar cunter Covid-19, hai num en ina communicaziun.

Nagin obligatori

La vaccinaziun duai dentant esser voluntara per tut las gruppas en mira. In obligatori sco la Frantscha e la Gronda Bretagna han decis, refusescha l'associaziun. In obligatori na mainia betg a la finamira e saja eticamain problematic. Ed in obligatori pudess esser «il davos dagut, che fa ir suror il butschin e che stumpla anc dapli persunas da tgira ord lur clamada».

Ord l'archiv

Baud u tard ston tuts decider, sche virolar cunter corona u betg. Las opiniuns èn divididas, e quai betg mo tar las persunas da ristg che dastgan ussa sa laschar virolar. Quai era tar il persunal da tgira. Il redactur da RTR Federico Belotti ha discurrì avant in mez onn cun duas tgirunzas. Ina vul, e l'autra na vul betg la virola – ils arguments:

video
Virola - gea u na?
Or da RTR Social dals 26.01.2021.
laschar ir

RTR novitads 15:00

Artitgels legids il pli savens

Scrollar a sanestra Scrollar a dretga