Sche l'uffizi cumpria u vendia terren fetschia el quai senza proceduras regladas, uschia la controlla da finanzas en ses rapport. Ed uschia saja bun pussaivel che l'Astra paja da memia u vendia memia bunmartgà terren. Quest facit tira la Controlla federala da finanzas cun agid da sis cas ord diversas regiuns.
Il Astra cumpra u venda terren per lung da las vias per realisar projects da vias naziunalas.
Traffic sin las vias naziunalas l'onn passà
Il 2018 èn tut ils autos, camiuns e töffs charrads bunamain 28 milliardas kilometers sin las vias naziunalas.
Quai correspunda a passa quatter giadas la distanza tranter il sulegl ed il Pluto. E tut quai sin ina rait da be gist bun 2000 km, 2,6% da tuttas vias da la Svizra.
Frequentada il pli fitg era l'autostrada A1 tranter Genevra e Losanna, sco era il tschancun tranter Berna e Winterthur.
Quai ha era gì consequenzas main agreablas. Guardà sin l'entir onn e l'entira rait da vias naziunalas hai dà passa 25'000 uras colonnas, in minus da 2%.
Per reducir quellas uras vul il ASTRA schlargiar las mesiras da tempo 80 sco era augmentar ils tschancuns nua ch'ins sa en cass da colonnas era charrar sin il vial da panna.
RR novitads 11:00+