L'Uffizi federal da vias ASTRA abolescha puspè il scumond d'admissiun per tscherts autos dal concern tudestg Volkswagen. Tals vehichels che n'èn betg pertutgads da las manipulaziuns da svapur pon a partir dad immediat puspè charrar sin las vias svizras.
Sco quai che l'uffizi federal communitgescha, sajan differents models da las marcas Audi, Seat, Skoda e VW numnadamain vegnids equipads cun variantas da motors da diesel pli novas. Concret sa tractia dals models T5, TG, Amarok e Crafter da VW.
Suenter il scandal da manipulaziun da VW aveva l'ASTRA ordinà l'entschatt’october in scumond d'immatriculaziun d'autos novs pertutgads da las manipulaziuns.
