Siglir tar il cuntegn

Svizra Astra promova tancadis electrics

Davent dad immediat pon interpresas inoltrar lur dumonda per bajegiar e gestiunar tancadis per autos electrics sin pausadis.

In tancadi per autos electrics.
Legenda: Perlung las autostradas svizras duai en futur dar dapli tancadis per autos electrics. Keystone

Sin las autostradas svzras duai dar en il futur dapli tancadis per autos electrics. Sco l'Uffizi federal da vias Astra scriva pon interprendiders e giestiunaris uss s'annunziar per las lubientschas. Per garantir ina rait sin l'entir territori, na vegnan quellas lubientschas betg surdadas singulas, mabain en tschintg etappas per mintgamai 20 pausadis.

Pervi dals auts custs d'investiziun duain las lubientschas valair 30 onns. Ils custs schazegiads da radund in mez milliun francs per tancadi prefinanziescha l'Uffizi federal da vias. L'uffizi federal da vias pretenda dentant ina retscha da cundiziuns per ils tancadis:

  • La presaziun da chargiar sto muntar ad almain 150 kilowatt.
  • L'energia duai vegnir ord producziun indigena.
  • I ston esser avant maun almain las trais spinas da contact las pli frequentas (CCS; CHAdeMO e Type 2).
  • Il pajament sto esser pussaivel al lieu, senza preregistraziun u carta da clients.

RR novitads 15:00