Siglir tar il cuntegn

Svizra Atgna marca postala per «Solar Impulse 2»

La Posta Svizra undrescha uschia la prestaziun da l'aviun solar ch'è sgulà enturn il mund senza carburant.

Marca.
Legenda: La Posta regorda cun ina marca speziala al viadi enturn il mund da l'aviun solar. MAD

La Posta Svizra deditgescha in’uschenumnada marca commemorativa per il project «Solar Impulse 2». Igl è la quarta marca commemorativa en 12 onns. In di suenter che l'aviun solar ha terminà sia davosa etappa dal viadi enturn il mund communitgescha La Posta Svizra ch'ins veglia onurar la prestaziun extraordinaria dals aventuriers Bertrand Piccard ed André Borschberg sco era las ambiziuns visiunaras dal project.

RR novitads 12:00