La fundaziun d'ina partida giuvna saja atgnamain ina consequenza logica dals resultats ch'ils giuvens Verd-liberals hajan cuntanschì a las elecziuns dal Cussegl naziunal 2015, scriva la partida.
Enfin uss eran ils giuvens Verd-liberals organisads sco rait aifer la partida mamma. Entant haja la partida numerus novs commembers giuvens. Ultra da quai saja in terz da tut quels ch'elegian ils Verd-liberals sut 35 onns. Quai saja sa mussà a las elecziuns 2015. En ils chantuns Turitg e Lucerna sajan ils giuvens Verd-liberals stads la partida giuvna cun il pli bler success.
RR novitads 11:00