Siglir tar il cuntegn

Svizra Atlas svizzers fan il pass en la terza dimensiun

L'atlas da la Svizra è da nov er disponibel cun maletgs traidimensiunals en l'internet. La collecziun da cartas tematicas specialas remplazza cunquai ils purtaders da datas da fin quà. Tenor ils responsabels ina novaziun mundiala.

Grafica dal volumen dals glatschers en la Svizra.
Legenda: Grafica dal volumen dals glatschers en la Svizra. mad

Da nov na ston utilisaders pia betg pli installar las datas sin lur computer mabain pon directamain clamar giu quellas da l'internet, per exempel entras ina applicaziun.

Grazia a la traidimensiunalitad pon ils atlas mussar chapiblamain per exempel il svilup dal spazi abità ils ultims 100 onns, la repartiziun da las precipitaziun u la dumonda nua che l'aua è stgarsa. Ils atlas porschan novas pussaivladads da visualisar en 3D uschi ch'els porschan in access direct e simpel ad infurmaziuns geograficas.

L'«Atlas da la Svizra» sco er l«Atlas idrologic da la Svizra» èn vegnids sviluppads da scienziads da l'ETH Turitg e da l'universitad da Basilea. Quai communitgescha l'uffizi federal per l'ambient.

RR novitads 17:00