Siglir tar il cuntegn
Inhalt

Svizra Attatga a Flums – confess starmentus

Il giuven da 17 onns ch'ha attatgà la dumengia saira avant in'emna passants a Flums ha confessà ch'el haja agì cun l'intenziun da mazzar sias unfrenda.

In tancadi a Flums serrà giu cun bindel da polizia.
Legenda: Attatgader da Flums ha confessà d'avair agì cun intenziun da mazzar. Keystone

Il giuvenil oriund da la Lettonia, ch'ha attatgà la dumengia avant in'emna passants a Flums, ha confessà ch'el haja vulì mazzar sias unfrendas. Quai ha la procura publica dal chantun da Son Gagl communitgà la gievgia.Il giuven aveva attatgà a Flums 8 persunas cun ina sigir, suenter ch'el aveva mess fieu tar el a chasa. En tut èn sis persunas vegnidas feridas tar l'attaga.

In di suenter è il giuven vegnì interrogà dal procuratur responsabel per giuvenils. Là haja el confess, ch'el haja mess il fieu e ch'el haja agì cun l'intenziun da mazzar sias unfrendas elegidas casualmain. La Procura per giuvenils dal chantun da Son Gagl ha ordinà gia il glindesdi suenter l'attatga arrest d'inquisiziun per il giuvenil. Quel n'è betg prechastià, era però crudà si oravant pervi da fantasias da violenza.

RR novitads 12:00