Cun sa partizipar al center possia la Confederaziun realisar sia strategia naziunala per sa proteger dals ristgs da cyber, argumentscha il Cussegl federal sia decisiun. Vitiers rinforzia la collavuraziun internaziunala il cumbat cunter ils ristgs da cyber.
La Svizra tramettia in u dus experts civils u militars. Persuenter stoppia ella pajar radund 25'000 francs per persuna, uschia communitgescha il Departament federal da defensiun.
Il center da defensiun è accredità tar la Nato. Ord vista dal Cussegl federal n'è la partizipaziun al CCDCOE nagin problem ord vista da la politica neutrala.
RR novitads 12:00