Pompeo ha accentuà che la China saja bain sa sviluppada economicamain, i n'haja dentant betg da in svilup correspundent en la politica.
Sche la China offrescha a Vus tecnologia d'infurmaziun, duessas vus esser pertschert ch'il producent correspundent vegn controllà da commembers da la partida communista.
I saja impurtant da vesair questas relaziuns profundas. Uschiglio dettia il privel che la China possedia tuttenina elements structurals da l'economia mundiala che na mussian naginas valurs dal vest pli, ha avertì Pompeo.
Sche la Svizra dovria la tecnologia d'infurmaziun da la China, lura furneschia la Svizra directamain infurmaziuns a la partida communista da la China. Là na dettia nagina sfera privata.
RR novitads 09:00