Siglir tar il cuntegn
cuntegn

Svizra Aua da baiver en blers lieus memia pauc protegida

Pertutgadas sajan circa 1 milliun persunas en Svizra, scriva il BAFU en in rapport.

Tschiffada d'aua sutterrana a Turitg.
Legenda: A Turitg tschiffan funtaunas l’aua sutterrana en ina profunditad da 30 meters. Keystone

Zonas protegidas per l’aua sutterana vegnian tranter auter er duvradas da l’agricultura u ch’i dettia là bajetgs ubain vias e binaris, scriva l'Uffizi federal d'ambient. Quest diever dubel possia esser in privel per las tschiffadas. Quai è per exempel il cas, sche auas persas dals bajetgs u benzin ed ieli da transports culan en il terren e tschufrognan l’aua sutterrana.

Tenor l’Uffizi federal d’ambient dovri perquai dapli indrizs tecnics per proteger l’aua da baiver. Per exempel reservuars per aua tschuffa u indrizs per filtrar l’aua sutterrana. Tut quai custia dentant. Ils custs stoppia la populaziun purtar.

RR novitads 12:00