Svizra - Audiziun pertutgant la cunvegna da basa cun l'UE
Dapi il cumenzament da december è il resultat da las tractativas per ina cunvegna da basa tranter la Svizra e l’Uniun Europeica sin maisa. Uss vai per la dumonda duai la Svizra suttascriver quella ni betg? La cumissiun per la politica exteriura dal Cussegl naziunal ha discutà publicamain.
Betg mo politicras e politichers valiteschan la cunvegna da basa cuntradictoric, numnadamain era expertas ed experts. Quai è sa mussà a l'audiziun publica da la cumissiun per la politica exteriura dal Cussegl naziunal.
L'audiziun sco tala era fitg tecnica. Blers detagls da dretg èn vegnids discutads, dentant las conclusiuns n' èn betg stadas novas. Tranter auter causa che las politicras ed ils politichers han fatg las dumondas a quel expertA che suttastritgava lur posiziun. Dentant è la discussiun restada tatgada als fatgs e sa basada sin la cunvegna.
audio
Saira: Cunvegna da basa cun l'UE - ina valitaziun
04:00 min, ord Actualitad dals 15.01.2019.
laschar ir. Durada: 4 minutas.
Ils proxims pass en chaussa cunvegna da basa èn gia da spetgar damaun. Tenor il delegads da la Svizra per las tractativas cun l'UE, Roberto Balzaretti, publitgescha il Cussegl federal damaun la cunvegna en lingua tudestga ed englaisa. Era duai vegnir lantschada ina consultaziun interactiva nua che pertutgads pon prender posiziun.
Ils experts e las expertas ch' èn stadas pled e fatg
Avrir la boxSerrar la box
Carl Baudenbacher (Independent Arbitrator and Consultant, Monckton Chambers, London, Former President of the EFTA Court, Full Professor em. University of St. Gallen)
Marc Bros de Puechredon (directur da la direcziun generala BAK Economics)
Astrid Epiney (Professura per dretg internaziunal, dretg d'Europa e dretg public Svizzer a l'universitad da Friburg e directura da l'institut per dretg d'Europa, Rectura dal'Universitad da Friburg)
Matthias Oesch (Incumbensà per l'instrucziun per dretg public, dretg d'Europa e dretg internaziunal economic a l'Universitad da Turitg)
Christa Tobler (Professura per dretg d'Europa, Institut d'Europa da l'Universitad da Basilea)
Paul Widmer (Incumbensà per l'instrucziun per relaziuns internaziunalas a la "School of Economics and Political Science" da l'Universitad da Son Gagl)
