A partir da l'auter onn augmenta La Posta ils pretschs per posta A dad 1 franc sin 1,10 e per posta B dad 85 raps sin 90 raps. Quai è l'emprim augment da pretsch dapi 18 onns. La posta argumentescha il nov pretsch cun pli auts custs per il provediment da basa.
Trametter pachets resta tuttina char sco enfin ussa. En cumparegliaziun cun l'onn passà saja vegnids tramess 15,8% dapli pachets. Davent dal schaner enfin il zercladur ha la posta tramess varga 100 milliuns pachets. Sco l'interpresa communitgescha vinavant, ha ella fatg l'emprim mez onn in gudogn da 247 milliuns francs. Avant in onn eri anc stà 30 milliuns francs gudogn.
Ord l'archiv
Tar l'avertura dal center regiunal da pacs a Vaz Sut è RTR stà a la partida.