Siglir tar il cuntegn

Header

cuntegn

Svizra Augment dad 80% tar l'import da nutriment dapi il 1990

Dapi il 1990 è la quantitad da victualias importadas s'augmentada per 1,8 milliuns tonnas sin bunamain 4 milliuns tonnas. Per chau munta quai in augment da 344 sin 499 kilos ad onn – cun resguardar il svilup da la populaziun.

Tenor in rapport da l'administraziun federala da duana èn ils imports da victualias e products da giudiment s'augmentads pli fitg che la populaziun en la perioda dal 1990 enfin il 2016. Numnadamain è l'import da victualias e products da giudiment creschì per 80% fertant che la populaziun è s'augmentada per 25%.

Las bunamain quatter tonnas imports da victualias e products da giudiment han ina valita da 10 milliardas francs. Quai èn 6% da tut ils imports.

73 liters dapli bavrondas per chau

Il pli impurtant surpli hai dà tar l'import da bavrondas: Il 2016 è vegnì importà 73 liters dapli per chau che en ils onns 90. Cunzunt aua minerala – quella è responsabla per 22% dal augment aifer l'import da victualias e products da giudiment.

Ils Svizzers han dentant er importà 40 kg dapli tschaveras finidas. E malgrà ils dazis d'import per products agriculs ha la Svizra importà 9% dapli legums ed 8% dapli fritga.

RR novitads 09:00

Artitgels legids il pli savens